أخبار مهمةعاجل
وزير النقل: عاوز شغل 60 ساعة فى اليوم وشغل حتى فى الإجازات الرسمية
وبّخ المهندس هانى ضاحى، وزير النقل، المسئولين عن تنفيذ المشروع القومى للطرق، خلال تفقده اليوم أحد طرق المشروع، قائلا: “ولا فيه إشراف ولا فيه جهاز مسح وشغالين فى أحسن تربة”، مطالبا بتقسيم كل طريق بالمشروع إلى قطاعات، بحيث لا تزيد مساحة القطاع الواحد عن 20كم.
وأضاف وزير النقل محتدا، خلال اجتماع مغلق مع المسئولين بعد تفقده طريق “سوهاج البحر الأحمر” أحد طرق المشروع القومى: “عاوز لكل قطاع هيكل تنظيمى ومعدات وطقم إشراف مستقل.. وابعتوا جواب لشركة حسن علام اللى بتنفذ 80كم من القطاع الرابع من طريق أسيوط – سوهاج – البحر الأحمر بالكلام ده.. وابعتوا ليا صورة من الجواب، وورونى بتعملوا إيه”.
وقال وزير النقل “عاوز شغل 60 ساعة فى اليوم وشغل حتى فى الإجازات الرسمية، وعاوز هذه الطرق تخلص فى 30 يونيو المقبل”.
إتبعنا
